منتديات عشاق للأبد
مرحباآ بكـ"
زائرنا الكريم
انت غير مسجل في هذا المنتدى
سجل معنا للتمتع بكافة خدمات وفعاليات المنتدى }~
~{ونرجوا لك تصفح ممتع ومفيد في منتدانا الغالي


منتدى شامل لجميع المواضيع الاسلاميه, الاخبار, الشعر والكلام العذب, الرياضه...
 
الرئيسيةاليوميةس .و .جبحـثالأعضاءالمجموعاتالتسجيلدخولتسجيل دخول الاعضاء

اهلا وسهلا بك في ? منتديات عاشق اللابد? منورنا يا   {زائر}. نرحب بل عضو الجديد مروشـــــــــة


شاطر
 

  مقابلة مع ملك الراب العراقي nine_z

اذهب الى الأسفل 
كاتب الموضوعرسالة
سليـ الريالي ـيل

 مقابلة مع ملك الراب العراقي nine_z	 Stars8
سليـ الريالي ـيل

ذكر

عدد المساهمات : 1281

تاريخ الميلاد : 25/05/1993
تاريخ التسجيل : 22/08/2011
العمر : 25

العمل/الترفيه : طالب


 مقابلة مع ملك الراب العراقي nine_z	 Empty
مُساهمةموضوع: مقابلة مع ملك الراب العراقي nine_z     مقابلة مع ملك الراب العراقي nine_z	 Icon_minitimeالثلاثاء أغسطس 30, 2011 5:01 pm

مقابلة خاصة مع ملك الراب العراقي nine_z



س\
اسمك ..؟؟ مواليدك ..؟؟ دراستك حاليا ..؟؟




Nine Z
اسمي : سيف نبيل




Nine Z
مواليدي : 1985




Nine Z
دراستي : انا قبل خمس سنين كنت طالب سادس علمي لكن صارتلي حادثه تصوبت بانفجار وسافرت بالخارج حته اكمل علاجي ورجعت العام وهاي السنه راح اكمل ان شاء الله




س\
وين سكنك




Nine Z
بغداد




س\
اول مرة غنيت بأي سنة ...؟؟




Nine Z
2006




س\
اول راب نزلتة كان هادف او دس




Nine Z
همممممممم اعتقد كان دس




س\
تذكر على منو كان ؟




Nine Z
لا والله




س\
ما هي انجازاتك في عالم الراب




Nine Z
والله الجمهور يحدد مو اني




Nine Z
لكن اذا تحبين شنو الي قدمته




Nine Z
دساااااااااات كثيره واغاني هادفه اكثر




Nine Z
ومركز الاول في بطولة راب الامارات وملك راب العراق وحفلة في المسرح الوطني بالعراق والي اذهلت العالم كله واخبار عن الفرقه بالياهو نيوز




س\
اي رابر تحب تسمع الة من الرابرز العالميين (أمنم - ففتي سنت .... الخ)




Nine Z
امنم وبس ملك راب العالم




س\
المن تحب تسمع من الرابرز العراقيين




Nine Z
شكاكي وجي فاير وبس والباقي مع احترامي الهم ميعرفون شنو معنى فن الراب




س\
شلون علاقتك بمستر باشن وشكاكي




Nine Z
مستر باشن علاقه طيبه وشكاكي اكثر من اخويه الصغير




Nine Z
سلامي اله مشتاقله وصارلي فتره محاجي وياه




س\
كم كروب انتميت له




Nine Z
والله اول كروب انتميت اله هوه الدي زي كي
وراها طلعت غنيت الحالي وبعدين اسسنا كروب
الي ظهرنا بي بالحفله وسمينا العداله والراب




*
منو اللي علمك الراب .. وبكل صراحة




Nine Z
والله صراحه اني الحالي علمت حالي بوكتها جانو جماعتي يغنون ريمكسات
واني غنيت راب لكن الي ساعدني بالهندسه الصوتيه
مستر باشن انطاني الاساسيات واني الي كملت




*
الان انطيك اسامي فرق عراقية تغني راب
و تنطيني رأيك فيهم




Nine Z
اوكي




*
MiC oF PaiN




Nine Z
كروب حلو اعضائه ممشين حالهم
لكن البوس مال كروب جي فاير فديته




*
Q i 7




Nine Z
صراحه اتمنالهم الموفقيه لكنهم كروب بدون انجازات




*
HP




Nine Z
كروب قديم لكنه مافي الرابرز الي شالو الراب العراقي ووصلو للقمه




*
FM




Nine Z
كروب اغلبهم اعرفهم واتمنه ان يطورون نفسهم اكثر واكثر




*
X-ProJecT




Nine Z
كروب مستواه حلو وان شاء الله يتطور للاحسن




س\
انطيك اسامي رابرز عراقيين وتنطيني رأيك فيهم




*
ShaGaGy




Nine Z
ملك وشي خرافي بعالم الراب العراقي
ويعتبر مؤسس الراب العراقي كلماته بالصميم
فديته




*
J-Fire




Nine Z
ملك الراب متل وسوه فكره جديده انو دمج الراب مع المتل على صعيد العراق ومبدع بالهندسه الصوتيه وصاحب احاسيس واسعه بهذا المجال




*
Mr.TRAEDER




Nine Z
صراحه مسامعله كثير لكنه رابر يفتقر المشي على اللحن بصوره صحيحه
وهذا ميعني انو رابر نو مستوى لا طبعا مستواه حلو لكن هذا عيبه




*
Mr.Passion




Nine Z
رابر كبير ومؤسس الراب العراقي مع شكاكي
وصاحب فكره كبيره بعالم الراب
لكن عنده نقطة ضعف وحده ودائما انبهة عليها
انو كلماته يستعجل بكتابتهة شويه ضعيفه




*
commandos.FM




Nine Z
اي ارشد ورده مال الله وصاحبي كلش
فديته بس مسامعله غير مره وحده وان شاء الله يتطور للاحسن




*
TORNADO




Nine Z
رابر مستواه حلو واتمناله الموفقيه




*
Mr.Zin




Nine Z
رابر همممممممممم يحب القيل
والقال وما عنده اي انجاز بعده مبتدء




*
JaHaNaM




Nine Z
رغم انه قديم لكنه ضعيف مديلكه الي يدعمه
حته يتطور للاحسن ان شاء الله يوصل




*
G A




Nine Z
رابر حلو مستواه بالهادف
لكن بالدسات يفتقر الشخصيه القويه ..
يعني ميكدر يهز خصمه .
خصمه يهزه بسهوله ونقاط الضعف عليه كثيره




س\
اي كروب بالساحه العراقية تحسة عدو الك




Nine Z
والله حاليا اني ما عندي شي ويا اي كروب عراقي
واتمنه للكل الموفقيه وتمنياتي لهم بتحقيق الي في بالهم




س\
اي رابر عربي تحسة عدو الك




Nine Z
حاليا لا يوجد





س\
اسم ناين شاغل افكار ناس هواي و الكل تريد تعرف
ليش سميت نفسك ناين هل اكو سر ورا هذي التسمية...؟؟




Nine Z
لا والله بس اني دومي كنت احب رقم تسعه
بالطوبه كنت لاعب كرة قدم ودائما احمل الرقم تسعه




Nine Z
]ففكرت باسم ناين
بعدين خليت الزي
حته يصير للاسم شويه حلاوه
وصار ناين زي على وزن الرابر جي زي



س\
لو عاد بك الزمان هل ترجع وتغني الراب ام تتركه




Nine Z
اكيد ارجع واغني الراب ..
شوفي ورده ..
اني صوتي بالطرب حسب ميكولون حلو
وعندي امكانيه اغني طرب
لكن فن الراب فن غير ..
تكدرين تعبرين عن كل الي بقلبج بهذا الفن
لذلك ارجع واغني




س\
طبعا انتة تلاحظ هالايام اكو هواي رابرز دا تطلع جديدة
اريدك تكوللهم كلمة الهم او نصيحه لانهم يعتبروك انت الملك




Nine Z
والله احب اوجه كلمه الكل رابرز العراق
ودائما اكولها الهم ان ليعتمدون على احد
اهم شي الرابر يعتمد على حاله



ان شاء الله يعجبكم اللقاء مع الملك z9
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مقابلة مع ملك الراب العراقي nine_z
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشاق للأبد :: ][Ξ҉Ξ_‗ـ−» اقسام الفن والفنانين «−ـ‗_Ξ҉Ξ][ :: منتدى اخبار واغاني الراب-
انتقل الى: